مبروك للمنتدى الجميل سؤال فى السريع لأمكانيات تشغيل اللعبة

يا ريت حد يقولى على الحد الادنى لمتطلبات تشغيل اللعبة عشان انا قربت اتجنن
انا عندى كارت شاشة 32 ورامات 256
أعمل التعريف بتاع كارت الشاشة يدينى RUNTIME ERORR
أشيل التعريف اللعبة تشتغل على RESOLUTION 800*600
بس صباح التهنيج يعنى تقدر تقول مبتمشيش اساسا
جربت برامج كتير للتسريع لكن واضح ان المشكلة هاردوير
ممكن ارمى كارت الشاشة فى الزبالة عاااااادى
بس يا ريت اعرف كذا نوع لكارت الشاشة 64 بتشتغل عليهم العبة كويس عشان اشتريه

بص يا سيدى انته فعلا لازم ترمى الكارت ده وكمان الكارت بتاع ال 64 ده كمان هيخنقك بس هيشتغل مش هيقول لا بس يفضل انهه يكون 128 او اعلى لاكن لو كان لابد من 64 ابقى هات كارت اسمه geforce 4 mx 400 متجبش ال 4000 علشان ملوش لازمه ويارب اكون افتك

ممكن تشتغل على كارت شاشه 64 بس تكون ATI حتشتغل تمام


لو انت عايز تشغيل اللعبه و تكون سريعه اوى ممكن تجيب رامات 512



وانا كان عندى نفسه المشكله و اللعبه دلوقتى شغله عندى تمام بهذه المواصفات

على فكره انا كنت عاوز اوضح معلومه صغيره فقط لافاده وهى ان كروت الشاشه64 من شفه كانت سيئه جدا جدا على عكس ال 128 منها فهذه الكروت اثبت نجاحها تمام عكس ال 64 وانا انصحه بانه يجيب كرت 64 من nvidia افضل

شكرا يا جماعة على الرد والاهتمام الجامد ده
بس أنا كده مضطر أرمى الرامات 256 عشان الباص بتاعها 266 مش موجود دلوقتى
ده لو فكرت أجيب واحدة جنبيها يعنى
و طبعا كارت الشاشة هولع فيه أو أبدله بباكو بسكويت و أدفع الفرق
كده الموضوع دخل فى 400
من الأفضل أنى أولع فى الجهاز كله فى الصيف عشان كده كده كنت هجيب واحد جديد
وبصراحة أنا لو جبت كارت شاشة AGP ورامات 512 ddr1 هيترموا و مش هيبقى ليهم لازمة بعد كام شهر
وربنا يوفقكوا وتخلوا المنتدى ده أكبر منتدى عربى للعبة و بأذن الله راجعلكوا تانى بعد أما أتخلص من القتيل ........قصدى الجهاز
معلش يا جماعة أنا شليتكوا معايا
بس أعمل ايه أنا وصلت معايا فى اللعبة أنى بدوسله الأمر
وأروح أعمل كباية شاى على بال مايعمله
واللعبة بتبقى لونها رصاصى طب مش لو كانت بمبى كانت هتبقى أحلى

ولا يهمك يا مان
المهم انك ترتاح
بس عايز حل مريح
هات كرت شاشة جي فورس 128 وريح دماغك
وعلي الرمات او متعلهاش المهم ان يكون c مرتاح وفيه مساحة كويسة ما تقلش عن 5 جيجا والديسك توب ابيض
هتلاقي الدنيا جميلة ومختلفة
واتمنالك وقت ممتع مع اللعبة
وحظ موفق
اخوك في الله
ابي بكر

طب انا عندى كارت شاشه 128 بلت ان
وراما 256

بس اللعبه عندى بتقطع كتير برضه وبطيئه جدا
واحد قالى اعلى الرامات
فهل الكلام ده صح؟